في أنتظار السفر لأجراء تحليل المخدرات ركبت الباص المتجه للمعمل وبجواري صديقي خالد خريج نظم ومعلومات من جامعه تورا بورا دار بينا حوار حول التحليل كنوع من قتل الوقت و ألهاء أنفسنا من مشقه السفر وطول الطريق:
– ياخالد تفتكر التحليل ده مهم؟
– يا ريس أمي دايما كانت تقولي زمان أبعد عن سكتين هما اللي هيودوك في داهية سكه النسوان و سكه المخدرات
– طب هما حلوا سكه المخدرات بالتحليل السباعي طب وسكه النسوان؟
– أستحاله تتحل و العلم هيقف عاجز أمامها لأنها جينات
– إزاي؟
– يعني المخدرات إختيار عن طريق صديق فاسد او ظروف أجتماعيه إنما الحرمجي دة جينات تلاقي الشخص ينطبق عليه المثل اللي بيقول الكتكوت الفصيح في البيضه بيصيح
– و تفتكر المخدرات ممكن تأثيرها أقوي ولا الستات؟
– الستات طبعا. عمرك سمعت عن جهاز مخابرات جند مدمن؛ أستحاله انما النسوانجي سهل تجنيده و عشان كده النسوانجي أخطر من المدمن
– بس تأثير المخدرات ممكن يدمر الشغل؟
– مش في كل الحالات عندك مثل الرأس اللي ملهاش كيف تستاهل قطع السيف
تعرف أن الدماغ المتكلفه ممكن تحقق أنجازات
– أزاي؟
– بتخليك تشوف حاجات في الواقع أستحاله أنها تتحقق و توسع عندك دايره الخيال و كل أفكارك بتبقي بره الصندوق و احيانا بتكسر الصندوق
– بس بتعمل مشاكل أجتماعيه زي أرتفاع نسبه الطلاق
– بالعكس تعرف إنك لما بتشرب مخدرات بتشوف زوجتك نجمه سينما أو عارضه ازياء
ومن يوم ما منعوا الصنف الكل زهد المناوشات و مبقاش فيه أي اشتباكات
– يعني الموضوع مش شغل؟
– خالص بدليل أن فيه فئات أخطر زي مدمن الخمر ميتعملوش تحليل ليه مثلا مع أن الخمر تأثيرها زي المخدرات بالضبط
– يعني أنت شايف الخمر أسوء من المخدرات؟
_طبعا لأن الخمر بتذهب العقل أنما المخدرات بتخليك تشوف الموضوع بصوره ثانيه بس عقلك موجود
– طب إيه خطورة المخدرات؟
_الكيف حلو طول ما معاك ثمنه المشكله أما تحتاجه وممعاكش الثمن
– هو إدمان؟
– الكيميا أدمان إنما الأعشاب القديمة عادي يعني الحشيش الأصلي ده كان زمان أسمه كيف الباشوات
إنما البانجو ده كيف السرسجايه
– بس بيأثر علي أقتصاد الدول؟
– وفيه دول كتيره أقتصادها قايم عليه؛ أنت مستهلك و عمرك ما هتكون منتج
هنا وصل الأتوبيس إلى المعمل و تم أخد العينات في وجود الممرض الذي أشرف بنفسه علي نزاهة التحليل أو أجتاز الجميع الكشف بنجاح فقد تعافي خالد من الإدمان عندما قرأ عن دارون ووجد أن أولويات الإنسان المأكل و الملبس و المسكن وليس من بينها الكيف مفيش قرد مدمن. لازم تكون الدماغ رباني.
