▪️نتشرف باسم الموهبة:
محمد ياسر انور
▪️سنك:
19
▪️ محافظتك:
الاسكندرية
▪️اي هي مواهب حضرتك
-الرسم
-الكتابة
-التعليق الصوتي
▪️طيب امته ظهرت الموهبة دي؟
الرسم: بدأت بتعلمه ف2020 و لكنه اتطور مع حلول 2021
الكتابة: ظهرت من فترة كبيرة لكن بدأت اهتم بيها من قيمة سنة
التعليق الصوتي: بدأت فيه من سنة
▪️مين دعمك من اهلك او صحابك او اساتذتك وخلافهم؟وتحب تقولهم اي؟
كان الداعم الاساسي لمواهبي
استاذتي الفاضلة استاذة ايمان
اللي شجعتني طول ما كنت بتطور اني أكمل و كذلك اللي علمني اني ابقى شخص مميز أ. د/شيماء
و احب اقولهم اني هبقى شخص عما قريب بيفخروا بيه كل ما يسمعوا اسمي.
▪️مدى تطور موهبتك من اول مابدات لحد دلوقتي؟
كبير نسبيا لكن عاوز ابقى افضل
▪️اي اهدافك الي خلتك تكمل في مواهبك دي؟
اهداف شخصية نوعا ما.
▪️اكيد قابلتك! صعوبات كلمنا عنها.
“من ضغط في الدراسة الى خناقات عشان مكملش طريقي فإني اتعلم زيي زي البقية غير السخرية و التنمر من بعض الناس في بداية الطريق.. اظن ده كان سبب اكتر من كافي اني أوصل عشان أثبت اني فوق توقعاتهم”
▪️سيبلنا حاجه من موهبتك.
” و أَتَعَجَّبُ مِنْ عَنْتَرَة كَيْف هَام بِهَا إِنَّهُ لَمِنْ العَاشِقَيْن الَّذِين احتارت اذهاني فِي الْمُضِيِّ فِي فَهْمِهِ لَيْت الزَّمَان يَجُرّ قَلْبِي لِامْرَأَة أعشقها كَعِشْق عَنْتَرَة لعبلة يَا سَيِّدِي إنِّي غرت مِنْ شَخْصٍ مَضَى عَلَيْهِ الزَّمَنُ و توفته الْمُنْيَةِ فِي عَصْرِ لَيْس بعصري و إنِّي شَعَرْت بحنين للجاهلية الْأُولَى اطمح بِأَنَّ أَصْلَ وُد و حُبّ عَبْلَة . . إنَّ لِي مطمعا يَجْهَلُه الْفُؤَاد و قَلْبًا يَدُقّ لِمَا يَجْهَل ضَع الْحُرُوفِ فِي غَيْرِ مَكَانَهَا و الْمَعَانِي فِي غَيْرِ أَوْصَافِهَا . . إن لِي حَائِلًا يعجزني عَن فَهْمِي فَجَدٌّ لِي مَخْرَجًا لَعَلِّي أَكُونُ شَاكِرًا و أَجِد السَّكِينَة بَعْد حُبًّا لَا أُدْرِكُهُ لِمَنْ يَكُونُ”
▪️تنصح الي حابب يبدا ومتردد بايه؟ وايه الاخطاء الي تقول عليها لغيرك؟
انصح بكل اللي متردد انه يخليه من حاجة اسمها الوقت المناسب.. دايما الوقت المناسب هو الوقت اللي بنبدأ نفكر فيه اما الغلطة اللي مش حابب حد يقع فيها متبقاش شخص بيقبل انه يكون هامش.. اعمل بصمة و اتحرك و متقبلش ان حد يقول انت حدودك ايه متحددش لنفسك حدود
▪️حلمك توصل فين؟
أوصل مع النجوم
▪️كلمه اخيره في نهاية الحوار ؟
قيل في احد الحوارات لأحد أغنياء العالم ايه سبب كونك من أنجح و اغنى رجال العالم
و كان رده انه اول ما يشوف الفرصة بيقتنصها لأن الفرصة مبتجيش غير مرة واحدة
و ها أنا بمشي بسياسته
و بقول الفرصة مبتجيش غير مرة واحدة و انا هعيش مرة واحدة
يبقا مستغلش الفرصة ليه
في نهاية هذا الحوار نتقدم بكثير من الشكر والدعم المبدع : محمد ياسر
ونتمنى له المزيد من النجاح والتفوق .
