▪️نتشرف باسم الموهبة
محمود الضبع
▪️سنك
34
▪️ محافظتك
القاهره
▪️اي هي مواهب حضرتك
إنشاد دينى
▪️طيب امته ظهرت الموهبة دي؟
اكتشفتها وانا ف ابتدائى وكنت بطلع ف الإذاعه المدرسيه
▪️مين دعمك من اهلك او صحابك او اساتذتك وخلافهم؟وتحب تقولهم اي؟
أهلى طبعا دعمونى كتير جدا تحفيز كبير بصراحه وأصدقائى وجيرانى وكل اللى بيسمعنى…واحب اقولهم شكرا جدا لدعمكم ومساندتكم ليا
▪️مدى تطور موهبتك من اول مابدات لحد دلوقتي؟
الحمد لله اكيد مع الوقت بكتسب الخبره لانى بقيت بطلع حفلات وبروح لقاءات تليفزيونيه وبدخل مسابقات وكمان بشتغل ع نفسى كتير ف كل دى عوامل بتساعدنى انى أطور من نفسى
▪️اي اهدافك الي خلتك تكمل في مواهبك دي؟
الهدف اللى خلانى اكمل ف موهبتى أن انا بنشر حاجه هادفه بترضى ربنا وبتنفع المجتمع وكمان احسن من الأغانى المحرمه
▪️اكيد قابلتك! صعوبات كلمنا عنها.
الحمد لله مفيش أى صعوبات واجهتنى خالص
▪️تنصح الي حابب يبدا ومتردد بايه؟ وايه الاخطاء الي تقول عليها لغيرك؟
بقول لأى حد عنده موهبه لازم تطلعها وتظهرها للناس لأن ربنا ميزك بحاجه كويسه مش بيديها لكل الناس ف ليه تدفنها؟كمان حابب أضيف حاجه وهى إنى لازم أسخر موهبتى دى ف اللى يرضى ربنا بس واتجنب أى حاجه تغضب ربنا ف موهبتى دىوكمان حابب أقول إن أنا ك شخص موهوب لازم اشتغل ع نفسى كتير واطور من نفسى وموهبتى
▪️حلمك توصل فين؟
حلمى أكون فرقه إنشاد دينى كبيره وتبقى على نهج ربنا والنبى صل الله عليه وسلم.
وفي نهاية هذا الحوار نتقدم بكثير من الشكر والدعم للمبدع : محمود الضبع
ونتمنى له المزيد من النجاح والتفوق .
